Info
Joined: 27 Jan 2003 Posts: 2112 Location: Hong Kong
|
Posted: Fri Oct 24, 2014 2:49 am Post subject: 17 Oct 2014 Tony and Carina dined with friends |
|
|
激罕偉仔約密友摸杯底 劉嘉玲做跟得夫人
2014年10月24日
自早前花了5年時間拍攝王家衛的《一代宗師》後,捱到殘晒的影帝梁朝偉決定大,卒之一就年幾,悠長假期偉仔除與老婆去非洲旅行,其餘時間嘉玲忙經營餐廳酒吧家品店,仲要拍電影兼踩埋舞台劇,偉仔就成日寡佬遊街,自得其樂。最近,「一代宗師」都關心社會罕有發聲,抗議政府使用過份武力對付示威者,又希望政府「畀誠意」。力撐學生的偉仔早前透露11月將開拍王家衛監製的電影,趁埋位前,偉仔就相約密友吳廷燁歎高級法國菜兼摸酒杯底。兩個密友見面,一都唔奇,最奇係嘉玲居然抽空做跟得夫人,齊齊gathering,「三人行」呢個畫面,絕少見到!採訪 : 李權威、譚壹致、沈灝南
早前傳出劉嘉玲近年來身邊多了位同性富豪觀音兵密友鄧霓儀,嘉玲同對方胞兄鄧永鏘搞高級家品店外,鄧霓儀仲以搞藝術為名親親嘉玲,結果又N次傳出偉仔和嘉玲婚變消息。查實梁氏夫婦共對廿幾年,不知幾恩愛,不過兩人性格有異,一個靜一個動,平日愛各有各玩,絕少連體與好友gathering,先以為佢感情唔好。
近日,百足咁多爪的劉嘉玲忙為內地節目《我是演說家》任導師,不過嘉玲幾忙都好,總會有時間返港與老公撐腳。上周五(17日)晚,嘉玲就抽空陪丈夫飯局,當日飯腳仲有偉仔入行後的多年密友吳廷燁,兩人相識於第11期無藝員訓練班,同屆同學包括周星馳和吳鎮宇等。他們揀選去偉仔至愛的跑馬地法國餐廳Amigo dinner,雖然早排地溝油事件,連Amigo都中招,但die hard fans偉仔懶理,仲親自拎兩支紅酒去送飯。
帶紅酒歎法國菜
據了解,當晚偉仔夫婦、吳廷燁和一男性友人一行四人齊齊食飯,由7時食到9時許,眾人步出準備上車離開,素顏的嘉玲發現記者即用手遮面,不過嘉玲出名皮膚滑溜,而且眼大大雙眼皮勁深,輪廓分明,零化妝都好省鏡。4人出門口搵唔到七人車,即行往附近街道搵車,惜司機可能人有三急,人去車在,偉仔等人企街等了幾分鐘,決定折返餐廳等。未幾,司機收到order即駛回餐廳門口,此時,嘉玲一馬當先衝上車的中排,並烏低身避鏡,殿後的偉仔就大方任影,上車後與吳廷燁同屈坐後座,驅車離開。
Source: http://hd.stheadline.com/ent/ent_content.asp?track=news&contid=306041&srctype=n |
|